.
لمحتها عصرية اليوم تختال
قلت القمر.. كنه غدى مكتسيها
زينة هوى منطوقها يشرح البال
تربت على ضلوع الغرام بيديها
الشعر و المبسم بعد حبة الخال
بالمختصر وصفي ولا اقدر عليها
من عذرها لو غطته باسود الشال
محدن قدر بشوفها كود اخيها
ولا انا حظي طمر فوق بالعال
صدفة نظر لو تنشرا لاشتريها
يامهرة يبغالها الف خيّال
ماتنعسف لو انهبل من يبيها
ياهملالي كود بيجيني هبال
ليت القصيد موصفن مهتويها
يالسبت انا سميتك اليوم محتال
اشقيتني واعميتني عن سويها
ليست هناك تعليقات:
إرسال تعليق