.
بسم الشعر اكتب ولاني بشاعــــر
مير البلا معشوقة القلب تبغيـــــه
قالت لي ابغى لي قصيدة مشاعــر،
مضمونها عيني و زيني و طاريــــه
قلت ابشري سمي و لبيه حاضــــر
لان المدن تكرم لاجل حسن عينـيه
اببري اقلامي و اجيب الدفاتـــــر
و اسطّرك و اوصفك وصفة البيــــه
واصيغ حرفي من عظيم الجواهر
لين الذي يقراه يشكي من التيــــــه
و لف بك ثم اجدعك بالخواطـــــر
واجعل قصيدي يفتن عيون قاريه
حيث الجموع تقوم لك وانت تامـــر
ثم تنتهض لك صارخة بقول لبيــــه
ما اقولها مــن نعــــــرة بالمخابــــــر
اقولها و انـــا عليــــــم بخوافيــــــه
لانك جميلة و الملامـــح سواحــــــر
ولان الجمال لحضرتك دنق وجيـــه
انتي وش انتي؟ ولو نظرت الصغاير
من حسنك ارفع جبهتي دون توجيه
مدري شعاع الشمس ولا القمــــــاير!
ولا جهام صرت اشوفه و اباريــــــه؟
و مدري بلى وجهك غدى نور ساير!
و لا الجمال اصبح مـخوشع يصليه!
و الرمش كنه من عظيم الخناجـــــر
والجيد من شافــــه تحسر يناديــــه
و شعرك فلا ظني ولا اقول قـــــادر
اوصفه واعطيه شـــرحن يكفـــيـــه
من شافك انتي قام يشكي المنابر
يدعي عظيم الرب و يقول ابيـــــه
ليست هناك تعليقات:
إرسال تعليق